Punah Swagat Hai Tumhara !

Punah Swagat Hai Tumhara !

Kya Kahun ??

Bass,

Yeh Ki,

Punah; Ek Baar Punah Swagat Hai Tumhara !

Phir Ek Baar,

Iss Mann Ko Saundha Diya Tumne,

Apni Aahat Sey, Dastak Sey!

Kya Samjhun ???

Ek Baar Phir,

Shabdon Ka Her-Pher,

Tumhe Door Karega Mujhse,

Ya Phir, Iss Baar;

Kuch Der Rahogi Mere Saath,

Kuch Thahrogi ??

Kuch Paas Sey Dekhun Tumhein,

Tumhaare Mann Ke Paar,

Uss Paar !

Kya Hai Mere Liye, Hamare Liye ??

Kya Iss Baar Ki Barsaat,

Sachmuch Mein Mujhe,

Bhigo Degi Jeevan Bhar Ke Liye?

Aisa Mujhe, Ped Ke Neeche Baithey,

Ek Miththu Ki Chiththi Ney Kaha Toh Tha!!!

Mein Toh Sadaiv Sey Bass Behta Aaya Hun,

Beh Raha Hun!

Thaama Chaho Toh Apni Aankhon Sey,

Bass Woh Dekho Jo Mujhe Deekhta Hai!

Main Aur Tum,

Boodhe;

Kisi Park Ki Bench Par Baithey Huye,

Samay Ko Gujarta Dekhtey Huye,

Tum Apna Chashma,

Aur Mein Apni Chadi Sanjoye,

Ek Doosrey Key Jojhtey Hathon Ko Samhale!

Nahin To, Sab Samay Hai;

Aao - Jao;

Merey Mann Par Chaapon Key Nishan Bahut Hain!!!